Something about me

由PS3出果一刻話會出，等左3年幾先出到o既大作Final Fantasy 13，
廠方話係破傳統既RPG，到今日終於玩到第11章 (全game 13章)。

暫總結一下破傳統既地方:
1. RPG game 冇宿屋，冇城市既概念。
2. 打完一次戰鬥之後自己會補返哂HP/MP。
3. 冇防具，而家通常會有既轉防具連轉主角套衫都唔會有，取代防具
既係accessory。
4. 基本上唔需要同任何人對話，唔需要問npc (non-player control) 就
可以知條路點行，因為地圖只得一條路線。
5. 流程基本係 睇片 > 行地圖 > 打怪 > 睇片 >行地圖 > ...... 當中一d
解謎要素都冇，連寶箱都係浮o係半空，見到果陣鍾意拎就拎。
6. 去到第10章遊戲系統都有野再開放 (都差唔多打完..)。
7. 音樂好悶，黎黎去去都係果一兩首歌，冇左FF系列既音樂大師植松
伸夫o既曲真係爭左d野咁。

網上個個話到第11章先係真正開始，我就覺得唔係講得咁差o既，假如
完全唔睇劇情就係咁打既人可能會咁諗啦。

BTW, 第2次買行貨價既game，再一次中招，買完之後唔夠一星期，隻
game由定價$649跌到$500幾.. 今日上網睇跌到$ 430......

不經不覺做左5個幾月元朗人，其實都唔係咁慣。因為感覺上
好似同屋企人朋友分得好開咁... (我知，有時係我自己掛住打
機睇電視上網掛住hea 寧願唔出街，唔關任何人事)

附近起緊新一期，我都唔知幾想佢快d 搞掂，起碼我都有d 推
動力去行下街，唔駛出去元朗市度行。果度d街又窄，d人又
鍾意行o係你前面食煙 (雖然香港度度都係咁)，人又超多，又
冇咩好行，d人既素質又....... 除左搭車方便之外，(搭車係方便，
不過時間都唔短.. 快過屯門既又) 同食野多少少選擇之外，(雖然
我大部份時間都係食外賣).. 其實都冇咩特別。

唔知新一期推出黎賣之前.. 我地會唔會已經俾人迫遷左呢?

同期一大班人入機構做野，大家都唔知大家入面做乜，不過
講真我呢個位真係好悶...... 機構希望同事唔好返工上網，根本
冇可能啦，返工冇野做又冇得上網，真係會悶得死人......

唔係曬命，不過冇野做扮有野做既時間係比做到死死下更漫長
又難過，老細行出行入，真係冇野做都要搵個file 出黎扮做緊野，
而老細其實明知你係冇咩野做既......

我就唔想因為咁份appraisal 寫得唔好喇...

過去的2009年可以講得上人生最大起大落既一年，由2008.12.31收
工接通知收到大信封，到決定唔轉上大陸而去另一間公司...... 由1月
放假到2月中，返左兩個月就再停兩個月，3-4月可算人生最辛苦既
一段時間，只有 不知所謂 去形容。

搵左個幾月工，差dd就要去做清潔既時候 (到而家我都唔知點解會
in果份工.. 仲要請我)，好彩搵到一份自己幾鍾意既工。呢度同事唔
多不過好多人事既問題，我曾經覺得自己黎左做之後可以有dd影響
力去扭轉問題，亦好開心搵到一個好欣賞我既上司，坦白講佢令我
個人有返多d自信，原來我唔係一事無成得咁緊要，仲成日o係老闆
開會時讚我，等我一個月就過左試用仲加埋人工。 呢段期間我返工
除左對腳累，其實真係幾開心，得閒又可以同阿哥去食lunch同dinner
咁。

正正就o係上司同我講提出加人工既前果日，我收到新工既信，叫我
去interview (apply左份工成半年，連我自己都唔記得左..) 又結果俾
我覺得in得幾好，不過自問冇咁好彩，又冇理到安安份份返工，繼續
日日去hmv聽歌既日子。不過今次竟然俾我成功左。事實上我其實唔
知份工做乜，只係覺得機構好穩陣，以工作黎講人工高於出面，又唔
會點炒人，返工時間又準，冇理由同錢作對之下，雖然有掙扎有唔捨
得都quit左做緊果份去轉工。

當然，呢一年最緊要既就係搞我既人生大事 - 結婚。
由08年2月book 影pre-wedding， 到11月去影相，期間book 呢樣果
樣 (事實最忙既係老婆，我只係負責俾下意見.... ) 到7月中搵屋搬屋，
8月入伙，時間真係過得好快又好慢咁...... 不經不覺就到派帖，final
fitting.. 安排呢樣果樣。

結婚當日發生過既事好深刻，但係又好似發左場夢咁。

轉眼間就12月，終於第一次兩個人有屋仔有狗仔有佈置既情況下過
左一個舒舒服服唔駛同人迫既x'mas。

從未試過像今天這麼忙過，真的忙得連洗手間都沒時
間去，水也沒喝過，聽說暑假會更忙，還是未能想像
得到。

下班後到了家中電話，說收到了一封政府信，一方面
自己估計應該沒這麼快有結果，但另一方面已經想到
假如真的成功了應該怎辦，跟店長如何交代? 暑假將
至，如果我離開了他們夠不夠人手呢? 店長又如何跟
上級交代? 結果開信後，原來只是月初做的那個基本
法的result notification，害我白緊張了一整晚。

晚上跟朋友們吃飯，整晚不停地說話，可能這份工平
日要一本正經，同事間盡量減少不必要的交談，所以
下班後就跟解脫了一樣。

今日氣溫高達32度，下午2:30 回校打籃球，此舉動真
的可一不可再，只打一場波汗水就不停流出，連續渴了
兩大樽水依然口渴得厲害，大家只打到5時多就離開。

聽說學校將會於暑假期間維修，大家可能都要一起放暑
假抖暑了。

學校放假，家長都開始帶新一年書單來買書訂書，今日
有一對父母帶了一對五年班的男twins到來，四圍走加手
多多，父母完全沒有理會，又大聲喧鬧，騷擾到來看書
的客人。一方面要看著他們有沒有拿去甚麼東西，另一
方面又怕他們把書撕爛，好不容易捱到他們離開，整個
人都覺得很累。雖然我都十分喜歡小朋友，但一定不是
這一種!


暑假開始，這些小魔怪應該陸續有來，辛苦的日子來臨
了，唉 ......

今天終於在店內遇到了一個認識的人，是我讀中四/中五
時的班主任及英文科老師Miss Lam，真的想也想不到竟
在此時此地遇到。她亦第一時間認出了我，問候我工作
得慣不慣，何時結婚，回答她的時候我感到心跳得很快，
面跟耳都紅起來，如果可以的話，我真想跟她多說幾句。

畢業後我未有回到舊校，因為所留有的回憶都不是太好，
但這校的教師除外，由於我進去時是新校的關係，大部
份教師都抱有希望，很盡心盡力去教導我們，所以對我
來說我都很喜歡他們。畢業已有超過十年，我知道很多
老師仍然在任教，或者我都應該回去探望一下他們，不
知還有沒有老師認得我呢。

同日亦有謝偉俊先生到來，只進店一會就一口氣買了十
本很厚的書看，看得這麼快?!

有沒有試過心情突然失落，對各樣事情都沒有興趣，但
又不清楚原因?

間中都會出現這些情況，一早醒來，忽然不清楚自己在
做甚麼，只是無意識之間完成每日的指定動作 - "起床梳
洗吃早餐熨衫換衫搭車飲咖啡返工食晏行hmv再返工放
工搭車回家吃飯上網講電話訓覺"，再將以上重演六次。

有其他選擇嗎?

來了這家書店已有三星期， 每天有百分之九十九的時間
都是站着，現在都已經慣了，當然下班的時間累的感覺
就一直落在雙腳。

想也想不到自己會做了customer service這行業，每天都
要對客人打招呼，與客人之間少有的閒聊成了機械化工作
上的一點調劑。基本上每天的工作都是千篇一律，只要小
心點不出錯就是了。

包書是日常工作之一，小時都交由媽媽辦妥，從不動手包
過，我想這三星期的包書已經等同我小學讀書時幾個學期
的數量了。這家書店並沒有播放音樂，所以有時都安靜得
有點可怕，每每到包書的時間，腦中會不自覺響起《禮儀
師之奏鳴曲》的大提琴聲，感覺上好Pro似的 ......

分段吃午飯，平常只有自己一個人吃，不到二十分鐘就完
成，而中建大厦的HMV成了我每天午飯後必到的地方，因
為那區沒太多地方可以閒逛，不用付錢又有娛樂的我只能想
到HMV了。試過用不同路線由工作的地方行到HMV，最後
都覺得由港鐵直上置地的方法是最近最快最少人的，而且不
受天氣影響，就算下多大的雨也不用帶雨傘。每天都會走到
不到的區域逛逛聽聽，有新碟就試聽一下，想聽Pop, rock,
jazz, classical 都可以，我想這亦是新工作的一點bonus。

P.S. 今天走進Classical 找 Jazz 的 CD，忽然播放《花樣年華》
的主題曲，不自覺自己都慢動作起來，好《花樣年華》......

剛下班就趕回家吃飯，洗澡及換衫，就相約友人到了
旺角看曼聯對巴塞的歐聯決賽。由早上六時半起床上
班，一直到下班，除了在回家的路上小睡了一會兒之
外都沒有休息過，好不容易才等到比賽開始的時間。

比賽可觀性其實不高，我們當然對結果感到失望，但
都不及對評述員黃興桂來得不滿，一位完全用個人角
度，說話條理有問題，又跟賽事風馬牛不相及的評述
員，他的表現絕對不稱職及不知所謂﹗

完場後整個街上都是趕回家的人，四處都等不到車，
結果差不多到七時半才回到家，睡了三個小時就再上
班去.... 苦...

仍然未開始正式工作，都是做些pratice，暫時不太忙
的關係，學習的時間相對地多了，對我來說真的非常
幸運。要學的事情不少，customer service的工作算是
首次接觸，而這裡的客戶大部份都是外國人，打英文的
email還可以，但要對話就真的考到我。

那份工作不用埋堆? 今天再次接受兩股勢力的洗腦......

明天應該就要開始工作了，站得很累人。

第一天的工作都是觀察，學習，熟悉環境，認識同事及練
腳力。

從來未做過 retail 的我最難於適應是要長期站立，雖然有
座位及沒有硬性規定要企，始終企著看的東西好得多。
由於要從cashier 開始，所以今天所有學的都是所有cashier
要做的工作 - 簡單的greeting，如何用公司system，cash，
EPS，Credit Card (自己付款試得多，收EPS跟Credit Card
就真的未試過!) 不過今日始終是第一日，所以都未有實際
應用機會。

不過 ...... 令我有點煩擾的是人際關係問題，似乎比想像中更
要複雜，真不想置身其中。

五月了，時間過得很快，又有一段時間沒有打日誌，
因沒有多大心情去打。網上日誌是一個很弔詭的地
方，明明是自己的私人事卻要拿來與人分享，雖然我
亦想將這短短五個月的經歷打出來，可是又不能，只
可以說這五個月來我受了很大的教訓，亦有很大的打
擊，自信心跌到很低，心情經常起伏不定，忐忑不安，
亦體會了人情冷暖，雪中送炭。

感激女友對我的容忍，包容；家人的關心付出而不追問；
身邊朋友的慰問及幫助，我都一一心領了。

今天有感生活將從新開始，有了新的路，雖然未知是否
合適， 希望再上路亦不算太遲。

還記得以前於新墟的何福堂小學十字架上滿滿是燕
巢，不過由於有損外觀，某日被清洗了，從此都沒
有再見到。

近日多了入元朗，於269D下車站的室內設計店舖屋
簷上就看到了一個大的，燕子進進出出的好熱鬧。
小時聽聞燕子在屋簷築巢是會帶來好運，不知這家店
舖生意有沒有被帶旺呢? 前幾天路經蝶舞樓樓下，聽到
燕子叫聲，原來有一燕巢築了在簷下，現每日出門除
了找找看附近的流浪貓外，都會多看一眼燕巢，希望
不會被清理掉，又沒其他人騷擾就好了。

自問好怕嘈, 特別搭公共交通工具, 四周都已坐滿人, 想避開
都無可能... ...

最近經常遇到這些問題:
1. 輕鐵入元朗, 到兆康時有一男一女上車, 女的坐我對面 (面對
面座位), 上車後她將電話聲浪開到最大, 之後玩手提電話內的
遊戲, 我有以眼神表示我的不滿, 她只望我一眼, 不屑地繼續她
的遊戲, 直到我下車。

2. 搭巴士由屯門到九龍灣, 巴士阿姐全程不停以不純正廣東話
及極佳中氣講到我落車都未收線。

3. 搭輕鐵有年約60歲阿伯用手提播新聞, 不過冇用hand-free,
亦想播放給所有人聽。

4. Road Show 好嘈, 特別係必瘦站廣告, 令人厭煩。

手提電話雖然方便, 但我好懷念以往上車靜靜睡覺, 打開車窗吹風,
聽聽walkman的時光。

電腦HDD 早前壞了，試了多種方法，外置、內置都
沒法找回磁碟內的資料。歌沒了可以再download 回
來， 但相片沒了就沒有辦法，平日又沒有做backup......

想過以後多買一個外置大容量HDD 做backup，但假如
不慎壞了呢? 是否又要多買一個作它的backup? 就像下
了Backup的無間地獄，永遠沒完沒了，很沒安全感。

眼見身邊多個朋友都買了單反機, 再看看他們拍出來的照片,
的確跟手上那部小小的DC效果有天壤之別...
考慮多月終於買了我人生第一部單反機 canon 450D。

以後要學的就多了.. 光圈, 快門, ISO, 焦距......
希望到其他地方旅遊時拍攝到好的照片留念。

但用的錢更多.. 鏡頭.. filter.. 閃光燈.. 腳架.. .. .. ..

第一次做兄弟, 第一次開會, 減肥後第一餐pizza。
兄弟中有兩個因工事在身未能出席, 但已經非常人齊;
兄弟們相當有默契, 而且有歐陽sir 所在必有歡樂!

Rundown 寫得很詳細, 祈求當日風和日麗, 一切順順利利。


衷心恭喜阿哥成家立室!