Something about me

生活就好像RPG game..


返學:
就好似RPG game裡面到魔法學校一樣, 學習到的會變成特殊技能 (skill),
然而像某些遊戲一樣, 一些不多用的技能或過多的就會遺忘, 又或選擇性地用
另一種技能所取代。
(鬼咩.. 你而家問返我Maths 既 sin cos tan.. 我真係一d印象都冇!)

返工:
每日返工就像RPG一樣, 要跟人對話獲得資料解謎, 但不是每個人提供的訊息
都有用...... 每一個工作都像進迷宮冒險一樣, 間中會遇到難應付的敵人或謎團,
令你非常頭痛。
敵人Level太高, 要對付就得有更強的本事...... (學多d野升Lv啦! 持續進修呀!)

同伴:
返工返學認識到的人, 都會有可能成為同伴..
(不過咁.. 現實同RPG一樣, 當劇情發展落去, 亦可能有d人會離開左, 又或者背棄你做左敵人...)

裝備:
買武具, 防具, 飾物......
(現實生活.. 一件名牌會加你魅力, 但唔代表件衫or褲防禦力高左, 相反可能件衫d布少左, 著左Dr. Martin 亦都唔會行得快D!)

搭車:
每日返工放工都要搭車, 跟RPG game一樣有不同的交通工具, 可惜我接觸及可用的交通工具種類很少...... 沒有陸行鳥, 飛空艇......
(同埋RPG game 冇咁detail話你訓覺呀.. 打機呀.. 睇書咁.. 不過都一樣可以聽音樂lor!)

INN:
每日工作辛勞, 最能補充體力就是回家休息。
(同RPG一樣, 返屋企都係唔駛俾錢, 但去酒店呀, 旅館就要。)

Boss:
每到最後都會有一個大佬, 可能會是自己公司老闆, 又或者客公司高層。
(野野都係最後先見到, 一係唔出聲, 一出手就會心一擊, 一係就令你中好多
精神系攻擊.. 麻痺呀.. 暈眩呀咁.. )

Save:
玩到一定時間總會記錄一下。從前有online diary,現在有blog!



但現實歸現實, 你衰左.. 冇得load返個save架..